Oé-Cusse Ambeno

header_oe-cusse

Oé-Cusse Ambeno nu’udar enklave ida iha territóriu indonéziu nia leet maibé halo parte Repúblika Demokrátika Timor-Leste nian. Halo baliza hosi Norte ho tasi Savu, no hosi Sul, Este no Oeste ho rai-indonézia. Oé-Cusse nu’udar rai-rohan ida-ne’ebé nia luan tomak maka 814km² no naruk 48km hasouru tasi-ibun. Oé-Cusse fahe ba sub-rejiaun haat (Pante Makasar, Oé-Silu, Nítibe no Pásabe) no iha suku 18.

Enklave ne’e mós nu’udar moris-fatin ba Nasaun Timor-Leste tanba portugés sira tún hosi sira-nia ró iha Lifau nia tasi-ibun, tinan atus lima liubá, no buat hotu-hotu hahú hosi fatin no tempu ne’ebá. Tanba Oé-Cusse nu’udar moris-fatin ba Nasaun no tanba mós rejiaun ida-ne’ebé kiak ho ema hale’u 60% ne’ebé mukit rabat-rai maka hili tiha enklave ne’e nu’udar fatin dahuluk atu hahú projetu hodi buka moris foun ba Timór, ho prosperidade, dame no dezempeñu.

 

Sidade lumut no matak

Pante Makasar atu sai hanesan sidade ida-ne’ebé nu’udar lumut no matak, ne’ebé dala-dalas temi tuir ho naran sidade verde, no ne’e dehan katak sei tau matan ba meiu-ambiente, kona-ba buat hotu-hotu hale’u natureza, nomós sorin oioin ba infra-estrutura ho kualidade. Bainhira atu hahú produsaun enerjia sei haree uluk lai ba ida-ne’ebé maka moos no bele buras mesak ho kbiit rasik.

 

Post ne'e disponível mo'os iha: Inglês, Português